Орел вилоятида жойлашган "Экосити" чиқиндиларни қайта ишлаш заводига ҳаттоки Ўзбекистон фуқаролари ҳам ҳарбий хизматга қабул қилиш бўлимига келиши зарурлиги ҳақида буйруқ олди. Бутун сменадаги 50 га яқин ишчи ишдан четлаштирилди — уларнинг ярми Ўзбекистон фуқаролари. Бу ҳақда маҳаллий телеканал хабар бермоқда.
Жорий йилнинг 26 октябрь куни чақирув қоғозини олган ўзбекистонликлар президентдан ёрдам сўраб мурожаат қилган. Улар Ўзбекистон фуқароси бўлиб, Россияда ишлаётганига қарамай, қандай қилиб ҳарбий хизматга чақирилганидан ҳайрон.