Аввалроқ, ижтимоий тармоқда бир йигит Nexia-3 автомобили ойнасидан танасини чиқариб, видеога олаётгани акс этган видео тарқалди. Ҳолат юзасидан ИИВ ЙҲХББ Матбуот хизмати маълумот берди.
Маълум қилинишча, мазкур ҳолат Қорақалпоғистонда содир бўлган. Расул исмли фуқаро тўй маросимини видеога олган.
“Видео яхши чиқсин деб олган эдим. Қилган ишимдан пушаймонман”, - дейди видеога олган йигит.
Автомобиль вақтинчалик жарима майдончасига қўйилган. Шунингдек, транспорт воситаси ҳаракатланаётган вақтда йўловчи томонидан тана қисмларини (қўлдан ташқари) салондан чиқариш ҳолати сабаб БҲМнинг бир баравари миқдорида жарима солинган.
