Қашқадарё вилояти ИИБ Матбуот хизматининг хабарига кўра, 2022 йил 16 октябрь соат тахминан 02:30 ларда, ҳайдовчи Т.Б. Spark’ни бошқариб бориб халқаро аҳамиятга молик А-380 “Ғузор-Бухоро-Нукус-Бейнау” автомобиль йўлининг Косон йўналишида ҳаракатланиб, Косон тумани “Оброн” МФЙ ҳудудига келганда автомашиналар ҳаракатланадиган йўлни иккига ажратиб турувчи бетон тўсиққа урилиб, йўл-транспорт ҳодисаси содир этган.
Натижада, ҳайдовчи Т.Б. ҳодиса жойида, унинг йўловчиси У.В. эса шифохонада вафот этган.
Ҳозирда мазкур ҳолат юзасидан Қашқадарё вилояти ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми “а” банди билан жиноят иши қўзғатилган.