Жорий йилнинг 17 октябрь куни Ўзбекистоннинг шимолий ҳудудларига, 18-19 октябрда республиканинг қолган ҳудудларига совуқ ва нам ҳаво массалари кириб келади.
Унга кўра, ҳаво ҳарорати +8...+10 даражага пасайиши кутилмоқда. 17-19 октябрда ҳаво ҳарорати кечалари +3...+8 даража илиққача, республика шимолининг баъзи жойларида 0...-2 даража совуққача, кундуз кунлари +15...+20 даражагача аста-секин пасаяди.
17-19 октябрда республиканинг баъзи жойларида ёмғир ёғади, тоғ олди ва тоғли ҳудудларнинг баъзи жойларида, баланд тоғларда ёғингарчилик (ёмғир қорга айланади) кучли бўлади.
17-18 октябрда республиканинг баъзи жойларида шамол тезлиги соатига 15-20 м/с гача кучайиши кутилмоқда.