Оғир атлетика бўйича Баҳрайнда бўлиб ўтаётган Осиё чемпионатида Ўзбекистон терма жамоаси аъзоси Адҳамжон Эргашев -67 кг вазн тоифасида даст кўтаришда 138 кг ва силтаб кўтаришда 176 кг, икки кураш бўйича 314 кг натижа қайд этиб, учта олтин медалга эга чиқди, дея хабар бермоқда ЎзА.
Шунингдек, -73 кг вазн тоифасида баҳс олиб борган Достон Ёқубов даст кўтариш машқида 140 кг билан бронза медалини қўлга киритди. Ёқубов силтаб кўтаришда 182 кг ва икки курашда 322 кг билан олтин медалларни ўз номига расмийлаштириб қўйди. Шу тариқа Ёқубов мусобақани 2 та олтин ва 1 та бронза медаллари билан якунлади.
