Жорий йилнинг 6 октябрь куни тахминан соат 13:30 атрофида Яккасарой тумани ҳудудидаги кичик халқа автомобиль йўлида тўртта транспорт воситалари иштирокида йўл-транспорт ҳодисаси содир бўлган. Бу ҳақда Тошкент шаҳар ИИББ Ахборот хизмати хабар берди.
2000 йилда туғилган К.Х. Nexia-3 автомашинасини бошқариб бораётиб, йўл ҳаракати қоидаларини қўпол равишда бузиб, йўлнинг қарама-қарши тарафига ўтиб кетган ва Р.А. бошқарувидаги Spark автомашинасига бориб урилган. Ушбу ЙТҲда юқоридаги автомобиллардан ташқари Б.С. бошқарувидаги Nexia-3, ва Д.Г. бошқарувидаги JETOUR автомашиналари ҳам техник шикастланган.
Тўқнашув натижасида Spark автомашинаси ҳайдовчиси, шунингдек йўловчиси - вояга етмаган 2013 йилда туғилган Ж.Ж. тан жароҳатлари шифохонага олиб борилган.
Мазкур ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилмоқда.