“O‘ztransgaz” АЖ Матбуот хизматининг хабарига кўра, 4 октябрь куни Шарқий-1 Газ тақсимлаш станциясига кириш қувурида табиий газ сизиб чиқиш ҳолати содир бўлган.
Соат 13:00 да аниқланган фавқулодда ҳолат туфайли станция фаолиятини вақтинча тўхтатиш зарурати пайдо бўлган.
Қайд этилишича, Тошкент МГҚБ масъуллари "Ўзтрансгаз" АЖ Марказий диспетчерлик департаменти билан келишган ҳолда Шарқий-1 станцияси орқали табиий газ билан таъминланадиган истеъмолчиларга телефонограмма юборилди ҳамда 15 соатга станцияни тармоқдан ажратиш чораси кўрилди.
“Тошкент магистрал газ қувурлари бошқармасининг раҳбарияти бошчилигидаги ишчи гуруҳ воқеа жойида бўлиб турибди. 5 октябрь соат 08:10 дан бошланган таъмирлаш ишлари давом этмоқда. Таъмир ишлари 5 октябрь соат 23:00 гача якунланиши кутилмоқда. Таъмирлаш ишлари якунланиши билан станция табиий газ тармоғига уланади”, - дейилади хабарда.
