Поиск
RUUZ

Происшествия

Намангандаги туғруқхонада битта палатага 15 нафарга яқин аёл жойлаштирилди

Наманган вилояти ССБ ҳолатга изоҳ берди.

234views0replies
0

Видеодан кадр

Аввалроқ, ижтимоий тармоқларда Чортоқ туман тиббиёт бирлашмаси туғуруқ бўлимидаги палаталардан бирида ўрин-жойлар санитар-эпидемиологик талабларга риоя этилмаган ҳолда жойлаштирилгани акс этган видеолавҳа тарқалди.
Мазкур ҳолат юзасидан Наманган вилояти соғлиқни сақлаш бошқармаси маълумот берди.
Аниқланишича, ушбу видеотасвирларда Чортоқ туман туғуруқ комплексидаги бир кунлик навбатчилик ҳолати акс этган бўлиб, воқеа жорий йил 27 сентябрь куни кузатилган.
Таҳлилларга кўра, шу йилнинг ўтган 9 ойида 50 ўринли туман туғуруқ бўлимида 3700 нафардан ортиқ ҳомиладор аёл фарзандли бўлган. Муассасада жорий йил сентябрь ойига қадар кунига ўртача 13 та туғуруқ амалга оширилган бўлиб, бу давр оралиғида шифохонанинг ортиқча юклама билан ишлаши деярли кузатилмаган.
Бироқ сентябрь ойида кунлик туғилишлар сони ўртача 20 тага ортиб кетгани боис, шифохонада ўрин-жой етишмаслиги юзага келган.
Қайд этилишича, олиб борилган ўрганишлар натижасида юқоридаги муаммони тезкор бартараф этиш чоралари кўрилди. Яъни тиббиёт бирлашмасидаги самарасиз ишлаётган стационар ўринлар ҳисобидан туғуруқ бўлими учун қўшимча яна 20 та, жами 70 та ўрин-жой ажратилди.
Айни пайтда муассасада ҳомиладор аёлларга санитар-эпидемиологик талабларга тўла жавоб берадиган шароитда сифатли тиббий хизмат кўрсатилмоқда.
234views0replies
0

Комментарии