Андижон вилояти прокуратураси Матбуот хизматининг хабарига кўра, жорий йилнинг 12 сентябрь куни Избоскан туман “Тўрткўл” МФЙ “Хотира” кўчасида яшовчи фуқаро А.А. оилавий келишмовчиликлар туфайли турмуш ўртоғи Р.Ш., қайнонаси Р.М. ва қайниукаси Р.Х.лар билан жанжаллашиб, уларга пичоқ билан тан жароҳати етказган.
Оқибатда, турмуш ўртоғи Р.Ш. ва қайнонаси Р.М.лар ҳодиса жойида, қайниукаси Р.Х. шифохонада вафот этган.
Мазкур ҳолат юзасидан А.А.га нисбатан ЖК.нинг 97-моддаси 2-қисми “а” банди билан жиноят иши қўзғатилиб, тергов ҳаракатлари давомида А.А.га нисбатан қамоққа олиш тарзидаги эҳтиёт чораси қўлланилган.
Жиноят ишининг дастлабки тергов ҳаракатлари вилоят прокуратураси томонидан давом эттирилмоқда.
