Мамлакат Ташқи ишлар вазирлиги сўнгги пайтларда фуқароларнинг Украина атрофидаги вазият бўйича тез-тез бўлаётган мурожаатларига муносабат билдирди. Хусусан, гап Россияда эълон қилинган сафарбарликдан сўнг Ўзбекистонга кўчиб ўтишга қарор қилган Россия фуқаролари сони кескин ошгани ҳақида бормоқда.
“Ўзбекистон ҳудудига келаётган Россия фуқаролари сонининг кўпайишига тўхталадиган бўлсак, уларнинг мамлакатимизда бўлиш масаласи, шунингдек, эҳтимолий экстрадиция қилиниши Ўзбекистон қонунчилиги, икки томонлама ва кўп томонлама ҳуқуқий ҳужжатлар асосида тартибга солинишини қайд этамиз”, - дейилади ТИВ расмий баёнотида.
Шу билан бирга, бошқарманинг қайд этишича, ҳуқуқбузарлик содир қилмаган хорижий давлат фуқаролари мажбурий депортация қилинмайди.