Аввалроқ Олмалиқ шаҳрида дўстининг туғилган кунига келган 6 нафар йигит тунги вақтда 5 турдаги автомашиналарда йўлнинг қатнов қисмида бошқа ҳаракат қатнашчиларига хавф туғдириб, автомашиналарни катта тезликда бошқаргани, тақиқланган товуш чиқарувчи сигналларни чалиб, яқин атрофда яшовчиларнинг тинчлигини бузгани ҳақида хабар бергандик.
ИИВ ЙҲХББ хабарига кўра, Олмалиқ шаҳар суди мазкур ҳуқуқбузарларга нисбатан ҳукм ўқиди.
Улар Маъмурий жавобгарлик тўғрисидаги кодекснинг 183-моддаси (Майда безорилик) билан айбли деб топилди ва ҳар бирига 7 суткадан маъмурий қамоқ жазоси тайинланди.