Поиск
RUUZ

Общество

Инсонпарварлик юклари бўлган махсус самолёт Термиздан Покистонга жўнаб кетди

Шавкат Мирзиёев сел сув тошқинида жабр кўрганлар учун Покистонга 40 тонналик инсонпарварлик ёрдами юборди.

30views0replies
0

Ўзбекистон ТИВ

Бугун эрталаб Ўзбекистон ҳукумати ва БМТнинг қочқинлар бўйича Олий комиссар бошқармаси томонидан етказилган инсонпарварлик ёрдами юкланган самолёт Термиздан Карачига Покистондаги ҳалокатли сув тошқини қурбонлари учун жўнаб кетди, деб хабар бермоқда “Дунё” ахборот агентлиги мухбири.
"Бу инсонпарварлик ёрдамининг биринчи қўшма ҳаво ташишидир. У Ўзбекистон Мудофаа вазирлиги томонидан тақдим этилган ҳаво кемаларида ташкил этилади. Уйлари тошқиндан вайрон бўлганлар учун вақтинчалик бошпана бериш учун бортда 15 тоннадан ортиқ қочқинлар учун турар жой модуллари бор", — дейилади хабарда.
Эслатиб ўтамиз, 1 сентябрь куни Ўзбекистон Ҳарбий-ҳаво кучларининг Ил-76 самолёти Покистоннинг тошқиндан жабр кўрган ҳудудлари учун инсонпарварлик юклари билан Исломобод халқаро аэропортига қўнган эди. Президент Шавкат Мирзиёев номидан 40 тонналик инсонпарварлик ёрдами юборилди. Юкни аэропортда Федерал фан ва технологиялар вазири Aгҳа Ҳасан Балоч кутиб олди.
30views0replies
0

Комментарии