Бош прокуратура ҳузуридаги Департаментининг Бўстонлиқ туман бўлими томонидан ИИБ ходимлари билан ҳамкорликда ўтказилган тезкор тадбирда, фуқаролар М. А. ва Ю.М. фойдаланувида бўлган Lacetti автомашинаси салони кўздан кечирилганда, унда 52 дона 100 минг сўмлик, 19 дона 50 минг сўмлик ва 11 дона 200 минг сўмлик қалбаки купюралар борлиги аниқланиб, ашёвий далил сифатида олинган. Бу ҳақда Бош прокуратураси ҳузуридаги Иқтисодий жиноятларга қарши курашиш департаменти Ахборот хизмати хабар берди.
Мазкур ҳолат юзасидан ЖКнинг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.