Наманган вилояти ИИБ ахборот хизмати маълум қилишича, мазкур ҳолат жорий йилнинг 19 сентябрь куни соат 19:05 ларда содир бўлган.
2006 йилда туғилган бола Наманган тумани Миришкор маҳалласи ҳудудидан ўтувчи "Тўрақўрғон-Ровустон" темирйўл бекатлари оралиғининг 81 км 1-бекатида темирйўл изининг ён қисмида жойлашган 52- таянч юқори кучдаги электр ток симёғочига чиқиб, суратга тушмоқчи бўлган.
Оқибатда, уни 27 500 волт кучланишдаги электр токи уриб, тан жароҳати олган ва туман ТТЁ бўлимининг жонлантириш бўлимига ётқизилган.
![](https://api.uznews.uz/storage/uploads/posts/temporary/iqR34rNjO1YQ0fSzNDmO.png)
“Бемор реанимацияга келтирилган пайтда шок ҳолатда бўлган. Кўрсатилган ёрдамлардан сўнг бемор шокдан чиқарилди. Ҳозирда беморнинг ҳолати стабил, режали муолажаларни оляпти”- дейди шифокор.