Ўзбекистон президенти матбуот котиби Шерзод Асадовнинг маълум қилишича, президент Шавкат Мирзиёев Россиянинг Ижевск шаҳридаги мактабда содир бўлган отишма оқибатида инсонлар қурбон бўлгани муносабати билан президент Владимир Путинга таъзия йўллади.
Давлат раҳбари ҳалок бўлганларнинг оила аъзолари ва яқинларига чуқур ҳамдардлик изҳор этиб, жароҳатланганлар тез фурсатда шифо топишини тилади.
Маълумотларга кўра, 26 сентябрь куни номаълум эркак мактабга кириб, отишма уюштирган ва кейин ўз жонига қасд қилган. Сўнгги маълумотларга кўра,15 киши, жумладан, 11 нафар бола ва 4 нафар катта ёшли киши ҳалок бўлган. 24 киши, жумладан, 22 бола ва 2 катта жароҳатланган.