Президент матбуот котиби Шерзод Асадов ОАВ учун навбатдаги брифингда давлат раҳбарининг 19-23 сентябрь кунлари бўлиб ўтган ва шу ҳафтага режалаштирилган тадбирлари тўғрисида маълумот берди.
Унга кўра, жорий ҳафтада давлат раҳбари ҳузурида қатор муҳокамалар ўтказиш режалаштирилган, улар орасида қуйидагилар алоҳида аҳамиятга эга:
- электротехника саноатидаги истиқболли йўналишлар ҳамда келгусидаги асосий вазифалар юзасидан соҳа раҳбарларининг ҳисоботи;
- архитектура-қурилиш олийгоҳлари трансформациясини жадаллаштириш чора-тадбирлари юзасидан тақдимот.
Шунингдек, президент Жаҳон банки вице-президенти Анна Бьердени қабул қилади.