Бухоро вилояти ИИБ Ахборот хизматининг хабарига кўра, Ғиждувон туманидаги мактабгача таълим ташкилотларидан бирининг раҳбари, Улуғбек кўчасида яшовчи, 1982 йилда туғилган М.Г. исмли аёл ўз хизмат мавқейидан фойдаланиб, С.А. ни ўзи раҳбарлик қилиб келаётган МТТ.га 3 млн сўм эвазига ишга қабул қилишини ваъда қилган.
Ушбу МТТ ҳамшираси Э.М. орқали кимёвий ишлов берилган 200 АҚШ долларини олган вақтида ашёвий далиллар билан ушланган.
Мазкур ҳолат юзасидан фуқаро М.Г. га нисбатан ЖКнинг 210-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.