Бош прокуратура ҳузуридаги Департаментнинг Денов туман бўлими томонидан ўтказилган тезкор тадбирда, Монополияга қарши курашиш қўмитаси Сурхондарё вилояти ҳудудий бошқармаси “Истеъмолчилар ҳуқуқларини ҳимоя қилиш” бўлим бошлиғи 200 доллар пора олган вақтида ашёвий далиллар билан қўлга тушди.
Аниқланишича, у дорихонада дори воситаларининг қиммат нархларда сотилаётганлигидан норози бўлиб ёзилган мурожаатни ушбу дорихона эгасининг фойдасига ижобий ҳал қилиб бериш эвазига корхона раҳбаридан пора талаб қилган.
Давлат ходимига нисбатан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.