Поиск
RUUZ

Политика

Шавкат Мирзиёев ШҲТ саммитида қатор ташаббусларни илгари сурди – рўйхат

Ўзбекистон президентининг таклифлари орасида маданиятлараро мулоқот учун рақамли платформаларни ишга тушириш, турли анжуман ва форумлар ўтказиш, ҳудудлараро ўзаро боғлиқлик маркази, иқлим бўйича кенгаш ташкил этиш ва бошқалар бор.

105views0replies
0

president.uz

ШҲТ саммитининг кенгайтирилган йиғилишида Ўзбекистон президенти Шавкат Мирзиёев ташкилотга аъзо давлатлар ўртасидаги ҳамкорликнинг турли йўналишларини кенгайтиришга қаратилган қатор ташаббуслар билан чиқди.
Хусусан, Шавкат Мирзиёев қуйидагиларни таклиф қилди:
— ШҲТнинг янги иқтисодий мулоқотини бошлаш асосида саноат ва технологик ҳамкорликнинг умумий майдонини шакллантириш;
— Ўзбекистонда ШҲТ минтақалари ўртасида бизнес шериклик ҳафталигини ўтказиш;
— ШҲТ давлатларининг махсус иқтисодий зоналари иттифоқини тузиш;
- 2023 йилда Самарқанд шаҳрида Ўзбекистон – ШҲТ саноат зонаси негизида ШҲТ махсус зоналари маъмуриятлари раҳбарларининг биринчи йиғилишини ўтказиш;
- ҳар йили ШҲТ давлатларининг йирик савдо ярмаркасини ўтказиш ва унинг негизида ягона электрон платформа яратиш;
— ШҲТ доирасида озиқ-овқат хавфсизлигини таъминлашнинг умумий тамойиллари ва ёндашувларини ишлаб чиқиш;
— 2023 йилда озиқ-овқат хавфсизлиги бўйича халқаро конференция ўтказиш;
- БМТ кўмагида Тошкент шаҳрида минтақалараро ўзаро боғлиқлик марказини ташкил этиш;
— 2023 йилда Ўзбекистонда биринчи ШҲТ Транспорт форумини ўтказиш;
— ШҲТ Иқлим кенгашини тузиш;
— ШҲТ МAТТ Кенгашининг ҳар йили ШҲТ мамлакатларидаги вазиятни баҳолаш бўйича сайёр мажлисларини ўтказиш амалиётини йўлга қўйиш орқали ШҲТ МAТТ фаолияти самарадорлигини ошириш;
— кибержиноятчиликка қарши кураш платформасини яратиш;
— Термиз шаҳрида Aфғонистонга гуманитар ёрдам кўрсатиш бўйича махсус жамғарма ташкил этиш;
— ШҲТ доирасида қўшимча форматларни (Университет ректорлари форуми, Маданият кунлари, спорт тадбирлари ва Универсиадалар) ўрнатиш;
— маданиятлараро мулоқот учун рақамли платформаларни ишга тушириш (виртуал музейлар, илмий видеоконференциялар);
— 2023 йил ШҲТ маконида Туризмни ривожлантириш йили деб эълон қилинди.
105views0replies
0

Комментарии