Поиск
RUUZ

Общество

Ўзбекистонда Марказий Осиёда ягона бўлган “Инновацион вакциналар маркази" ташкил қилинади

Марказ Хитой компанияси билан ҳамкорликда ташкил қилинади. Лойиҳа доирасида гепатит А, гепатит Б, папиллома, қизамиқ, қоқшол ва бошқа касалликлар вирусларини даволашда ишлатиладиган 10 хил вакцина ишлаб чиқарилади.

37views0replies
0

Инновацион ривожланиш вазирлиги

Инновацион ривожланиш вазирлиги “Luye Invetment Group Co.,Ltd” компанияси билан ҳамкорликда 2023-2028 йилларда умумий қиймати 100 млн долларга тенг бўлган “Инновацион вакциналар маркази”ни ташкил этиши бўйича Меморандум имзоланди. Бу ҳақда вазирлик Матбуот хизмати хабар бермоқда.
Бугун, 13 сентябрь куни ШҲТга аъзо давлат раҳбарлари саммити доирасида Инновацион ривожланиш вазири Иброҳим Абдурахмонов ҳамда компания раҳбари ўртасида онлайн учрашув бўлиб ўтди.
Учрашувда компаниянинг расмий вакили Лю Дяньбо Ўзбекистонда Инновацион ривожланиш вазирлиги томонидан коронавирусга қарши вакцина яратиш ва ишлаб чиқариш бўйича олиб бораётган ишларга юқори баҳо берди.
Қайд этилишича, “Инновацион вакциналар маркази” — Марказий Осиёда ягона тўлиқ циклли биотехнологик ишлаб чиқиш корхонаси бўлиб, маҳаллий ва МДҲ мамлакатлари бозорини юқори технологик маҳсулотлар билан таъминлаш имконини беради.
Лойиҳа доирасида гепатит А, гепатит Б, папиллома, қизамиқ, қоқшол ва бошқа касалликлар вирусларини даволашда ишлатиладиган умумий ҳажми 2 млрд долларга тенг бўлган 10 хил вакцинани йилига 200 миллион дозада ишлаб чиқариш кўзда тутилган.
Ушбу тўлиқ циклли биотехнологик ишлаб чиқариш корхонасининг илмий ҳажмдорлиги ва келгусида юқори малакали илмий мутахассислар жалб қилинишини инобатга олиб, “Инновацион вакциналар маркази"ни Тошкент вилоятида ташкил қилиш таклиф этилмоқда.
37views0replies
0

Комментарии