Жорий йилнинг 8 сентябрь куни соат 19:30 да Алишер Навоий номли давлат академик катта театрида 93-мавсумнинг очилиши муносабати билан очиқ осмон остида “Куз зари оғушида Катта Мусиқа” концерти бўлиб ўтади.
Шу муносабат билан 8 сентябрь куни соат 10:00 дан 00:00гача Тошкентдаги бир неча кўчалар вақтинча ёпилади, дея хабар бермоқда Тошкент шаҳар ҳокимлиги Ахборот хизмати.
Унга кўра:— Буюк Турон кўчаси Ислом Каримов кўчаси билан кесишмасидан Матбуотчилар кўчасигача бўлган оралиқда;
— Бухоро кўчаси Буюк Турон кўчаси билан кесишмасидан Зарафшон кўчасигача бўлган оралиқда.
Ҳайдовчилардан айланма йўллардан фойдаланишларини ва ноқулайликлар учун узр сўраймиз, дейилади хабарда.
