Аввалроқ, ижтимоий тармоқда Labo русумли юк машинасида ҳайдовчи икки ўқувчини машина юкхонасида олиб кетаётгани акс этган видео тарқалди.Ҳолат юзасидан Тошкент вилояти ИИББ томонидан суриштирув ўтказилиб, ҳайдовчи қўлга олинди.
"2022 йил 6 сентябрь куни Labo машинамда ўз фарзандларимни мактабга олиб бораётгандим. Мактаб уйимиздан узоқ ва сал ичкарироқ бўлгани учун болаларимни машинага олишга мажбур бўлдим. Дадам ҳам олдида эди. Оқибатини ўйламабман. Бошқа бундан ишни қайтармасликка ваъда бераман", - дейди ҳайдовчи.
Ҳолат юзасидан ҳайдовчига нисбатан маъмурий баённома расмийлаштирилди.
