“Кобулдаги Россия Федерациясининг консуллик бўлими яқинида 2022 йил 5 сентябрь куни содир этилган ҳамда дипломатик ваколатхона ходимлари ва Афғонистон фуқароларининг қурбон бўлишига олиб келган террорчилик ҳаракатини қатъий қоралаймиз", - дейилади баёнотда.
Шунингдек, ТИВ ушбу ғайриинсоний ҳаракатнинг ташкилотчилари ва ижрочиларини аниқлаш учун барча зарур чораларни кўришга чақирган.
"Ҳалок бўлганларининг оила аъзолари ва яқинларига ҳамдардлик билдириб, жабрланганларнинг соғайиб кетишини тилаймиз", - дейилади вазирлик баёнотида.
Маълумотларга кўра, 5 сентябрь куни Россиянинг Кобулдаги элчихонаси яқинида теракт содир этилган. Дастлабки маълумотларга кўра, 10 киши ҳалок бўлган. 8 киши касалхонага ётқизилган.
