Бухоро вилояти Олот туманида 15 август куни одам ташиш қоидаларини бузган ҳайдовчилар аниқланди. Бу ҳақда вилоят Ички ишлар бошқармаси ахборот хизмати хабар берди.
"УАЗ" русумли юк автомобили ҳайдовчиси фермер хўжалигининг 40 нафар ишчисини манзилига элтиб қўйиш учун улардан 5000 сўмдан йиғиб олган.
"Одамларни ишдан олиб келаётганимда қўлга тушдим. Қилган ишимдан пушаймонман", - дейди ҳайдовчи.
Шунингдек, "УАЗ комби" русумли ўриндиқлари олиб ташланган автомобилда ҳам 25 нафар йўловчи олиб кетилаётгани аниқланган.
Қоидабузарларга нисбатан маъмурий жавобгарлик тайинланган.