Бугун, 22 август куни давлат раҳбари тадбиркорлар билан очиқ мулоқот ўтказади. Бу ҳақда президент Матбуот котиби Шерзод Асадов хабар берди.
Шунингдек, Америка Қўшма Штатлари Конгресси аъзолари Трент Келли ва Дэрин Лахудни қабул қилиш режалаштирилган.
Қайд этилишича, ҳафта давомида ҳудудларда амалга оширилаётган қурилиш ишлари, ижтимоий-иқтисодий лойиҳалар билан танишиш мақсадида президентнинг Самарқанд вилоятига бориши кутилмоқда.
Бундан ташқари, давлат раҳбари ҳафта давомида мамлакатни иқтисодий ва ижтимоий ривожига бағишланган бир қатор йиғилиш ва муҳокамаларни ўтказади.