Ўзгидромет хабарига кўра, бугун ва дам олиш кунларида Ўзбекистон ҳудудига Урал минтақаларидан қуруқ ва салқин ҳавонинг кириб келиши давом этади.
Республика бўйлаб ҳаво бироз булутли бўлиши кутилмоқда. Шамол шимоли-шарқдан 7-12 м/с тезликда эсади, 19-20 август кунлари секундига 17-22 м/с гача кучайиши, баъзи жойларда чанг-тўзонли шамол эсади. Республиканинг айрим ҳудудларида шамолнинг тезлиги 24-27 м/с гача кучайиши мумкин.
Бугун, 19 август куннинг иккинчи ярмида ҳаво ҳарорати +32…+35 даража оралиғида бўлади, шанба ва якшанба кунлари эса янада салқинлашади. Кечаси ва эрталаб ҳаво ҳарорати +12…+15 илиқ, кундузи +27…+30 даража илиқ бўлади. Бундай ҳарорат фони ушбу давр учун иқлим нормасидан 3-5 даража пастроқдир.