Поиск
RUUZ

Общество

Бош прокуратурада Ўзбекистонда ер тўғрисидаги қонун бузилиши ҳолатларини кескин танқид қилинди

Бош прокуратурада Қорақалпоғистон Республикаси Жўқорғи Кенгеси ва Вазирлар Кенгаши раислари, Тошкент шаҳар ва вилоятлар ҳокимлари, прокурорлар иштирокида йиғилиш ўтказилиб, ер билан боғлиқ ноқонуний ҳолатлар ҳудудлар кесимида, аниқ рақам ва мисоллар асосида кўрсатиб берилди.

78views0replies
0

Бош прокуратура

Кеча, 18 август куни Бош прокуратурада ер тўғрисидаги қонун бузилиши ҳолатларини барвақт аниқлаш ва уларнинг олдини олишга қаратилган фаолиятни мувофиқлаштириш бўйича Республика кенгашининг видеоселектор шаклидаги навбатдаги йиғилиши ўтказилди. Бу ҳақда Бош прокуратура Матбуот хизмати хабар берди.
Йиғилишда Республика кенгаши аъзолари, тегишли вазирлик ва идоралар раҳбарлари, Қорақалпоғистон Республикаси Жўқорғи Кенгеси ва Вазирлар Кенгаши раислари, Тошкент шаҳар ва вилоятлар ҳокимлари, прокурорлар, ички ишлар, солиқ идоралари раҳбарлари ва ҳудудий кенгашларнинг бошқа аъзолари ҳамда туман - шаҳар сектор раҳбарлари иштирок этди.
Кенгаш йиғилиши танқидий руҳда ўтказилиб, унда ер билан боғлиқ ноқонуний ҳолатлар ҳудудлар кесимида, аниқ рақам ва мисоллар асосида кўрсатиб берилди.
Шунингдек, ер майдонларидан самарали ва оқилона фойдаланишни таъминлаш бўйича кўрилаётган чоралар ҳамда белгиланган вазифалар ижроси аҳволи муҳокама қилинди.
Республика кенгаши аъзолари, тегишли вазирлик ва идоралар раҳбарлари, вилоят ва туман - шаҳар ҳокимларининг ҳисоботлари, тушунтириш ва изоҳлари эшитилди.
Бундан ташқари, ерларни талон - торож қилинишининг олдини олиш ҳамда уни муҳофаза қилинишини таъминлаш тегишли вазирлик ва идораларнинг раҳбарлари ҳамда ҳудудий ҳокимлар ва уларнинг соҳага масъул ўринбосарлари қонуннинг бузилишига йўл қўймаслик тўғрисида қатъий огоҳлантирилди. Йиғилишда кўрилган масалалар юзасидан тегишли Кенгаш қарори қабул қилинди.
78views0replies
0

Комментарии