Поиск
RUUZ

Общество

Ўзбекистонда очиқлик сиёсатини бузганлик учун жавобгарлик белгиланди

МЖтКда давлат ҳокимияти ва бошқаруви органлари фаолияти очиқлиги тўғрисидаги қонунчиликни бузганлик мансабдор шахсларга 900 минг сўмдан 1,5 млн сўмгача жарима солишга сабаб бўлиши белгиланди.

75views0replies
0

UzNews.uz

“Айрим қонун ҳужжатларига ўзгартиш ва қўшимчалар киритиш, айрим қонун ҳужжатларини ўз кучини йўқотган деб топиш тўғрисида”ги қонун президент томонидан имзоланди.
Қонун билан МЖтКда давлат ҳокимияти ва бошқаруви органлари фаолиятининг очиқлиги тўғрисидаги қонунчиликни бузганлик учун мансабдор шахсларга БҲМнинг 3 бараваридан 5 бараваригача (900 минг сўмдан 1,5 млн сўмгача) жарима солишга сабаб бўлиши белгиланди.
Мазкур ҳуқуқбузарликлар юзасидан Коррупцияга қарши курашиш агентлигининг мансабдор шахслари маъмурий ҳуқуқбузарлик тўғрисида баённома тузади.
“Адвокатура тўғрисида”ги қонунда адвокатлар иқтисодий, фуқаролик ва маъмурий иш юритилаётганда давлат ва нодавлат суд-экспертиза ташкилотлари томонидан шартнома асосида ишонч билдирувчи шахс розилиги билан экспертиза ўтказилишини сўраш ҳуқуқига эга эканлиги белгиланди.
Шунингдек, адвокат экспертиза хулосасини иш материалларига қўшиб қўйилишини ва суд томонидан ушбу хулоса ишдаги мавжуд далиллар билан биргаликда баҳоланишини талаб қилиши мумкин.
Суд экспертлик фаолияти билан нодавлат ташкилотлар шуғулланишига рухсат берилганлиги муносабати билан Фуқаролик процессуал кодекси ва Маъмурий суд ишларини юритиш тўғрисидаги кодексга нодавлат суд-экспертиза ташкилоти тушунчаси киритилди.
75views0replies
0

Комментарии