Кеча, 24 июль куни минглаб ўзбекистонликлар ижтимоий тармоқлар орқали Ўзбекистон президенти Шавкат Миромонович Мирзиёевни туғилган куни билан табриклаб, эзгу тилакларини йўллашган эди. Президент матбуот котиби Шерзод Асадовнинг хабар беришича, давлати раҳбари қутловлардан беҳад мамнунлигини, табрик йўллаган барча ўзбекистонликлардан миннатдорлигини билдирди.
“Меҳнаткаш ва бағрикенг, кўпмиллатли халқимизга ўзимнинг юксак меҳр ва эҳтиромимни билдиришдан беҳад мамнунман”, - деди президент.
