Ўзгидромет хабарига кўра, 11-12 октябрь кунлари республика ҳудуди совуқ антициклон таъсири остида бўлади. Совуқ ҳаво асосан тунги ҳароратга таъсир қилиб, +2...+5 даража илиқни ташкил этади. Кундуз куни ҳаво +18...+20 даражагача исийди.
Ҳафта ўртасидан ҳаво ҳарорати аста-секин кўтарила бошлайди ва октябрь ойининг ўрталари учун бўлган меъёрий қийматларга етади. Ҳаво ҳарорати кечалари +6...+9 даража илиқ, кундуз кунлари +20...+23 даража илиқ атрофида, жанубда +25 даража илиққача бўлади.
Ҳафта давомида ёғингарчилик кутилмайди, ҳаво асосан қуёшли бўлади. 12-13 октябрда республика бўйича баъзи жойларда шамол тезлиги 15-20 м/с гача кучайиши мумкин.
