Олий ва ўрта махсус таълим вазирлиги Ахборот хизмати хабарига кўра, 2021 йил 13 март Тошкент шаҳридаги Сингапур менежментни ривожлантириш институтида пойтахтдаги 10 та хорижий ва нодавлат олий таълим муассасаси жамоалари ўртасида мини-футбол бўйича анъанавий 16-Талабалар лигаси бўлиб ўтган.
Мусобақанинг Сингапур менежментни ривожлантириш институти ва Халқаро Вестминстер университети жамоалари ўртасидаги баҳсда ўйин сўнгида икки талаба тортишиб қолган. Футболчиларнинг ўзаро тортишувига трибунадаги мухлислар ҳам қўшилган. Ўйин тўхтатилиб, институт ходимлари зудлик билан талабаларни ажратган ва тинчлантирган. Тортишувда ҳеч бир талаба тан жароҳати олмаган.
“Вазирлик ушбу ҳолатни назоратга олиб, келиб чиқиш сабабларини ўрганди. Мазкур ҳолатнинг келиб чиқишига сабабчи бўлган мутасаддилар ва талабаларга нисбатан интизомий чоралар кўрилади”, дейилади вазирлик изоҳида.