Поиск
RUUZ

Общество

Конституциявий қонун лойиҳасининг муҳокамасини узайтирилиши ҳақидаги қарор депутатлар овоз бермасидан аввал эълон қилинди

Бир нечта давлат ташкилотлари умумхалқ муҳокамасини узайтирилиши ҳақидаги қарор қабул қилинганини депутатлар тўлиқ овоз бермасидан аввал маълум қилишди.

69views0replies
0

Бугун, 15 июль куни Олий Мажлис Қонунчилик палатасининг навбатдаги мажлисида Конституциявий қонун лойиҳаси умумхалқ муҳокамасининг муддатини 1 августгача узайтириш тўғрисида қарор қабул қилинди.
Мажлис ўтказилаётган залдаги овозлар натижасини кўрсатувчи мониторга эътибор қаратсак овоз бериш соат 11:43 да якунланди.
Аммо, қарорнинг қабул қилингани депутатлар томонидан овозга қўйилмасидан аввал бир нечта давлат ташкилотларнинг Telegram каналларида эълон қилинди.
Масалан, мазкур хабар Давлат хизматини ривожлантириш агентлигининг Telegram каналида 11:40 да, “Yuksalish” умуммиллий ҳаракати Telegram каналида эса 11:10 да эълон қилинди.
69views0replies
0

Комментарии