Кеча 6 июль куни Термиздаги хонадонларнинг бирига Афғонистондан снаряд учиб келгани ҳақида хабар берган эдик. Афғонистон муваққат ҳукумати расмий вакили Забиҳулло Мужоҳид ушбу ҳолатга муносабат билдирди.
"Термизга Афғонистон ҳудудидан ракета ҳужумини уюштирганлар дўст Ўзбекистон ва Афғонистон ўртасида ишончсизлик муҳитини яратишни мақсад қилганлар. "Толибон" ҳаракати уларни ҳибсга олиш ва жазолаш учун қидирмоқда", — деб ёзган Забиҳулло Мужоҳид Twitter'да.
Эслатиб ўтамиз, Афғонистондан учиб келган снарядлар Термиздаги хонадонларнинг бирига тушган ва улар портламаган.