Тошкент шаҳар ИИББ Матбуот хизматининг хабарига кўра, жорий йилнинг 6 июль куни соат 08:56 да Тошкент шаҳар ИИББ навбатчилик қисмига Яшнобод туманидаги ZOR TV телеканали жойлашган ҳудудда 2 нафар номаълум шахс портловчи модда ўрнатаётганлиги ҳақида хабар келиб тушган.
Мазкур хабар асосида зудлик билан Тошкент шаҳар ИИББ ходимлари ва бошқа мутахассислар воқеа жойига етиб борди.
Қайд этилишича, ҳудуд ўрганилганда портловчи ёки ҳаёт учун хавфли бўлган бошқа моддалар аниқланмади, хабар ўз тасдиғини топмади, хавотирга асос йўқ.