Ўзбекистон чегарасида бўлиб турган 50 нафарга яқин Қозоғистон фуқаролари уч кундан бери ўз ватанига қайта олмаяпти. Қозоғистон Ташқи ишлар вазирлигига кўра, вазият назорат остида. Бу ҳақда lada.kz хабар берди.
Қозоқларнинг позициясини бошқарма расмий вакили Aйбек Смадияров изоҳлади.
"Бу ҳолат Ўзбекистондаги дипломатларимизнинг алоҳида назоратида. Ўзбекистон томони билан музокаралар олиб борилмоқда. Вазиятни имкон қадар тезроқ ҳал қилиш учун қўлимиздан келганини қиламиз. Фуқароларимиз уч маҳал овқат билан таъминланган, улар билан доимий алоқада бўлиб турамиз", - бу ҳақда Қозоғистов ОАВ ТИВ вакилига таянган ҳолда хабар берди.
Чегарада қолиб кетган қозоғистонликларга кўра, иссиқ ва ҳолсизланиш болаларда иситмаси кўтарилишига сабаб бўлмоқда. Одамлар президентга видеомурожаат йўллашди.