Президент қарори лойиҳаси умумий муҳокамага қўйилди. Унга кўра, Ўзбекистонда бир қатор янги тиббиёт таълим муассасаларини ташкил этиш таклиф этилмоқда, хусусан:
- Тошкент тиббиёт академияси негизида Тошкент тиббиёт университети;
- Тошкент тиббиёт академияси Урганч филиали негизида Хоразм давлат тиббиёт институтини;
- Тошкент тиббиёт университети қошида “Олий таълим муассасалараро илмий тиббий-генетика тадқиқотлар институти”;
- Тошкент педиатрия тиббиёт институти ҳузурида Янги авлод тиббиёт адабиётларини яратиш ва татбиқ этиш маркази ташкил этилади.
Шунингдек, Соғлиқни сақлаш вазирлиги қошида хорижий экспертларни таклиф қилган ҳолда Шифокор ва ҳамширалар тайёрлашда компетенцияга асосланган таълим тизимини татбиқ ва координация этувчи “Миллий трансформация марказини” ташкил этилади.