Поиск
RUUZ

Общество

"Бугун ҳайдовчилар ва йўловчилар анчадан бери кутган қарорни имзоладим" — Шавкат Мирзиёев

Президент Шавкат Мирзиёев ижтимоий тармоқларда "тонировка" масаласи кенг муҳокама қилинаётгани ҳақида гапирди.

714views0replies
0

president.uz

Айни дамда президент Шавкат Мирзиёев бошчилигида видеоселектор бўлиб ўтмоқда. Йиғилишда Мирзиёев халқни рози қилиш ҳақида сўз юритди.
"Ҳар бир ислоҳотимиз, таклиф ва ташаббусларимиз, бу – энг аввало инсон қадри учун. Шу боис, халқимизга қандай енгилликлар берсак, у биздан рози бўлади, деган савол барча раҳбарларни ҳар куни, ҳар дақиқа ўйлантириши керак.
Ҳар гал жойларга чиққанимда оддий-оддий одамлар билан учрашиб, муаммоларини эшитаман, яна қанча аҳолимизда шундай муаммолар борлиги ҳақида ўйлайман ва унга ечим қидираман", — деди Шавкат Мирзиёев
Президент йиғилиш давомида ижтимоий тармоқларда "тонировка" масаласи кенг муҳокама қилинаётганлигидан хабардор эканлигини ҳам таъкидлади.
"Оммавий ахборот воситалари, ижтимоий тармоқларда кўтарилаётган масалалардан ҳам хабардорман. Мана, бугунги кунда мамлакатимизда енгил автомашиналар сони 3,5 миллиондан ошди. Ҳайдовчиларимизда ҳам кўплаб эътирозлар тўпланиб қолган.
Шу боис, бугун ҳайдовчилар ва йўловчилар анчадан бери кутган, уларнинг кайфиятини кўтарадиган қарорни имзоладим”, — деди Президент.
714views0replies
0

Комментарии