Сурхондарё вилоятида тегишли рухсатномасиз хусусий университет ташкил этиб фуқаролардан пул ундириш ҳолати аниқланди. Бу ҳақда Бош прокуратура Департаменти Матбуот хизмати хабар берди.
Маълум қилинишича, М.Ж. ва С.С. ўзаро тил бириктириб, “U.A.” МЧЖни ташкил этишиб, сўнгра Telegram'да “At Termiziy University” хусусий университети каналини очишиб, фаолият юритишга тегишли рухсатнома олинмаган университетга ўқишга қабул бошланганлиги ҳақида хабарлар беришган.
Ушбу университетда ўқиш истагини билдирган 73 нафар фуқаронинг 306,9 млн сўмини тўлов пуллари сифатида қабул қилиб олганликлари аниқланган.
Мазкур ҳолат юзасидан ЖКнинг 168-моддаси (фирибгарлик) жиноят иши қўзғатилиб, тергов ҳаракатлари ўтказилмоқда.