Тергов департаменти хабарига кўра, 2021 йилнинг 14 март куни соат 16:08 ларда 45 ёшли Баҳодир У. ва 51 ёшли Ровшан Қ.лар Олмазор туманида жойлашган “Akfa Medline” шифохонасида қўриқчи 27 ёшли Аъзам А. га қаршилик кўрсатиб, ҳеч бир сабабсиз ҳақорат қилиб, уриб тан жароҳати етказган.
Мазкур ҳолат бўйича Олмазор тумани бўйича ИИО ФМБ ҳузуридаги Тергов бўлинмаси томонидан Баҳодир У. ва Ровшан Қ.ларга нисбатан Жиноят кодексининг 277-моддаси 3-қисми “г” банди (Безорилик) билан жиноят иши қўзғатилиб, процессуал тартибда ушланган.
Аниқланишича, Ровшан Қ. мазкур шифохонада даволанаётган Баҳодир У.уни кўришга келганида, шифохона ички тартиб қоидаларига кўра мумкин бўлмасада, бемор хонасига киришини талаб қилиб, қўриқчига қаршилик кўрсатган ва бемор хонасига кирган. Орадан бир соат ўтгач, Баҳодир У. ва Ровшан Қ.лар ташқарига чиқиб, қўриқчига “қўлингдан нима келди” деб мазах қилганликлари туфайли ушбу жанжал келиб чиққан.
