Аввалроқ, Қашқадарёда 6 ёшли бола 25 метрли қудуққа тушиб кетгани ҳақида хабар бергандик.
ФВВнинг маълум қилишича, болани қутқариш операциясида Қалқама маҳалласида яшовчи 109-сонли мактабнинг 8-синф ўқувчиси Озодбек Йўлдошев ҳам қатнашган.
Кичик қаҳрамон қутқарувчи акалари ва махсус асбоб-анжомлар ёрдамида қудуқнинг тор туйнугидан мардонавор ўтиб, болакайни олиб чиққан.
“Ўз навбатида Озодбекка барча юртдошларимиз қатори Фавқулодда вазиятлар вазирлиги улкан миннатдорлик билдиради. Ўз вақтида ва тезкор олиб борилган қутқарув операцияси муваффақиятли якунланиб, болажон ҳаёти сақлаб қолинди. Айни вақтда болакай шифокорлар назоратида, ота-онаси бағрида”, - дейилади хабарда.
