Жорий йилнинг 9 июнь куни Самарқанд шаҳридаги Қорасув массивида бир ярим ёшли қизалоқ ўнинчи қават балконига ўрнатилган панжара орасидан тушиб кетиб ҳалок бўлди.
Қурилиш вазирлиги мазкур ҳодиса содир бўлганини тасдиқлаб, тез орада Самарқанд вилояти қурилиш бошқармаси, ҳудудий назорат инспекциясининг мазкур ҳолатга муносабати эълон қилинишини маълум қилди.