Бугун Ўзбекистон бўйлаб ҳаво очиқ ва иссиқ бўлиши кутилмоқда, фақат куннинг иккинчи ярмида тоғли ҳудудларда қисқа муддатли ёмғир ёғиб, момақалдироқ бўлиши мумкин. Ҳаво ҳарорати кундузи +35...+38 даража бўлади.
Эртадан бошлаб жанубдан Туркманистон орқали жуда иссиқ ҳаво оқимлари чиқиши бошланади. Ўзбекистон ҳудудида кундан-кунга иссиқ кучайиб, пайшанба куни +38...+39 даража атрофида, шимолий, жанубий ва чўл ҳудудларида +40...+42 даражагача бўлади, бу ушбу давр учун меъёрдан +5...+6 даража юқоридир.
Жума куни Ўзбекистон ҳудудига Каспий денгизи ҳудудларидан кучсиз ҳаво оқимларини кириб келиши кутилмоқда. Ҳудуднинг катта қисмида ёғингарчиликсиз об-ҳаво бўлиши кутилмоқда. Фақат тоғ олди ва тоғли ҳудудларининг айрим жойларида вақти-вақти билан ёмғир ёғиши, момақалдироқ бўлиши мумкин. Бу куни ҳаво ҳарорати +32...+37 даража бўлади.
7-9 июнь кунлари шимолий ва чўл ҳудудларида шамол 17-22 м/с гача кучайиши, 10 июнда республиканинг баъзи жойларида чанг-тўзонлари кузатилиши мумкин.