Ўзбекистонда бўлиб ўтаётган футбол бўйича Осиё кубоги доираси "А" гуруҳи иккинчи тур ўйинида Ўзбекистон U-23 терма жамоаси Қатар U-23 терма жамоасига қарши баҳс олиб борди ва йирик 6:0 ҳисобда ғалаба қозонди.
Ушбу учрашувда Қатар терма жамоаси дарвозасига киритилган голларга Жасур Жалолиддинов, Ҳожимат Эркинов, Ҳусайн Норчаев, Улуғбек Ҳошимов, Айман (аг) ва Русланбек Жиянов муаллифлик қилишди.
Тимур Кападзе шогирдлари гуруҳдаги сўнги учрашувни 7 июн куни Қаршида Эрон U-23 терма жамоасига қарши ўтказади.
Айни дамда Ўзбекистон U-23 терма жамоаси мусобақада 6 очко жамғарган ҳолда гуруҳ жадвалида карвонбошилик қилмоқда.