Жорий йилнинг 4 июнь куни тахминан соат 00:25 атрофида Мирзо Улуғбек тумани, Оққўрғон кўчасида Lacetti автомашинасини бошқариб кетаётган 21 ёшли С.Н. бошқарувни йўқотиб, йўлни ўртасидаги ёритиш устунига урилган. Бу ҳақда Тошкент шаҳар ИИББ Ахборот хизмати хабар берди.
ЙТҲ натижасида, Lacetti ҳайдовчиси С.Н. тан жароҳати олиб, шифохонага ётқизилган. Бироқ кўрсатилган тиббиёт ёрдамга қарамай, у жонлантириш бўлимида вафот этган.
Мазкур ҳолат юзасидан Тошкент шаҳар ИИББ томонидан ЖК 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.