Поиск
RUUZ

Криминал

Андижонда кучли таъсир қилувчи дори савдоси билан шуғулланувчи жиноий тўда етакчилари ушланди

Жиноий гуруҳ аъзолари салкам 2500 дона дори воситалари билан қўлга олинган. Уларнинг етакчилари бўлган ака-уканинг “ХХХ” номли тунги клубида 103 млн сўмлик 3000 дона кучли таъсир қилувчи дори воситалари топилди. Шунингдек, яна 9000 донадан кўп шундай дорилар савдоси фош қилинди.

94views0replies
0

Видеодан кадр

ДХХ Матбуот хизматининг UzNews.uz’га хабар қилишича, 1988 ва 1991 йилларда туғилган, муқаддам судланган ака-ука томонидан 2 нафар қариндошларини жалб этган ҳолда, кишига вақтинчалик сархушлик бағишлайдиган кучли таъсир қилувчи дори воситаларининг барқарор савдоси йўлга қўйилган.
Дастлаб, вилоят марказидаги “Навоий” шох кўчасида ўтказилган тезкор тадбирда 1997 й.т., муқаддам судланган шахс бошқарувидаги Nexia-3 тўхтатилиб текширилганда, унинг салон қисмида 70 дона “Тропикамид” кучли таъсир қилувчи дори воситалари борлиги аниқланиб, процессуал тартибда расмийлаштирилиб олинди.
Сўнгра унинг кўрсатмаси асосида жиноий гуруҳнинг бошқа бир аъзоси - муқаддам 3 маротаба судланган, 1983 й.т. аёлнинг яшаш хонадонидан таркибида психотроп моддалар туркумига кирувчи “тригексифенидил гидрохлорид” моддаси бўлган 75 дона “Циклодол” дори воситаси, шунингдек, 1715 дона “Регапен”, 211 дона “Тропикамид”, 200 дона “Зардекс”, 185 дона “Лирика” кучли таъсир қилувчи дори воситалари тегишли тартибда ҳужжатлаштирилиб олинди.
Бундан ташқари, жиноий гуруҳ етакчилари бўлган ака-уканинг маҳаллий аҳоли орасида “электросеть” кўчаси дея аталувчи - А.Ҳайдаров кўчасида жойлашган яшаш хонадонларида ва шаҳарнинг Амир Темур кўчасида жойлашган уларга тегишли “ХХХ” тунги клубида ва автомашиналар ювиш шохобчасида ҳам тинтув-тергов ҳаракатлари ўтказилди.
Натижада, келгусида сотиш мақсадида сақлаб келинаётган умумий қиймати 103 млн сўмлик 3000 дона “Тропикамид”, “Регапен” “Лирика” номли кучли таъсир қилувчи дори воситалари, “бита” таёқлари, ўткир тиғли жисмлар, алоқа воситалари, катта миқдордаги пул маблағлари ва яна гаров эвазига қолдириб кетилган ҳужжатлар, процессуал тартибда расмийлаштирилиб олинди.
Андижон шаҳрида яшовчи, 1986 й.т. фуқаро бошқарувидаги Cobalt тўхтатилиб текширилганда, унда 2296 дона “Лирика”, 1598 дона “Тропикамид” ва 337 дона “Регапен” дори воситалари борлиги аниқланиб, ўрнатилган тартибда олиб қўйилди.
Бундан ташқари, “Наманган – Андижон” йўналишида ҳаракатланиб келаётган Lacetti’да 4032 дона “Регапен” ҳамда 971 дона “Тропикамид” кучли таъсир қилувчи дори воситалари борлиги аниқланди.
Маълум бўлишича, Олтинкўл туманида яшовчи 1984 й.т. ва Андижон шаҳрида истиқомат қилувчи, 1995 й.т. 2 нафар фуқаро ушбу дори воситаларини Андижон шаҳрида сотишни режалаштирган.
Ҳозирда барча ҳолатлар юзасидан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
94views0replies
0

Комментарии