Поиск
RUUZ

Общество

Солиқ бўйича бир киши қайта-қайта шикоят йўллашига чеклов ўрнатилмоқда

Чек бермаганлик тўғрисида “Солиқ” мобиль иловаси орқали биринчи маротаба келган мурожаат бўйича тадбиркорга жарима солинмайди. Чеклар можароси билан боғлиқ бир қатор янгиликлар эълoн қилинди.

214views0replies
0

UzNews.uz

Давлат Солиқ қўмитаси Матбуот хизматининг хабар қилишича, жорий йил 1 июндан бошлаб, жамоатчилик назоратини кенгайтириш мақсадида, бир фуқаро томонидан 24 соат ичида 2 тадан ортиқ ҳамда 30 календар куни давомида 1 та шохобча бўйича 1 мартадан кўп мурожаат юборилишига чеклов ўрнатилади.
Шунингдек, “Солиқ” мобиль иловаси орқали мулкчилик шаклидан қатъи назар, биринчи маротаба келиб тушган мурожаат бўйича солиқ тўловчи ҳузурига борган ҳолда, профилактик суҳбат ўтказилиб, тадбиркорлик субъектининг қонун талабларида иш юритиши тўғрисида расман огоҳлантирилади. Унга нисбатан таъсирчан молиявий жазо чоралари кўрилмайди.
Мурожаат бўйича сайёр солиқ текшируви ўтказилаётган ёки ўтказилган текширув натижаси бўйича қарор қабул қилиш жараёнида ушбу субъект бўйича такрорий тушган мурожаатлар кўриб чиқилмайди.
Давлат солиқ хизмати органлари ходимларининг ҳуқуқбузарликлар тўғрисидаги мурожаатлари мукофот тўланмайдиган мурожаатлар сифатида қайд қилинади.
214views0replies
0

Комментарии