Ижтимоий тармоқларда ёш йигит Республика ихтисослаштирилган мусиқа мактаби 3-қавати деразасидан мушукни улоқтиргани акс этган видео тарқалди. Мазкур ҳолат юзасидан Тошкент шаҳар ИИББ маълумот берди.
Аниқланишича, ҳодиса 28 май куни Олмазор туманидаги мусиқа мактаби ўқувчиси 17 ёшли Х.О. қилган. Буни 16 ёшли Ш.А. томонидан видеога олиниб, интернетга тарқатилган.
Қайд этилишча, Х.О. нинг отаси, 46 ёшли У.Э.га фарзанд тарбияси бўйича масъулиятсизлиги сабаб жарима солинган.
Воқеа юзасидан болалар ва отага бундай ҳуқуқбузарлик учун мавжуд маъмурий ва жиноий жавобгарлик ҳақида профилактик суҳбат ўтказилди.
Мазкур ҳолат юзасидан терговга қадар текширувлар давом этмоқда.