Бугун, 28 май куни Олий Мажлиси Сенатининг йигирма олтинчи ялпи мажлиси бўлиб ўтмоқда. Унда Сенат томонидан “Давлат фуқаролик хизмати тўғрисида”ги қонун маъқулланди.
Қонунда Ўзбекистон президенти, Вазирлар Маҳкамаси ва бошқа ваколатли давлат органларининг давлат фуқаролик хизмати соҳасидаги ваколатлари аниқ кўрсатиб ўтилмоқда.
Қайд этилишича, коррупцияга оид жиноятларни содир этган шахслар давлат фуқаролик хизматига қабул қилинмайди.
Қонунда халққа хизмат қилиш давлат фуқаролик хизматининг асосий принципларидан бири этиб белгиланмоқда.