Аҳолининг ичимлик сув таъминоти ва оқова сув хизматлари билан таъминланганлик даражасини ошириш бўйича қўшимча чора-тадбирлар тўғрисида Президент қарор қилди.
Қарорга кўра, 2023 йил 1 январдан бошлаб аҳолига қиёслаш муддати тугаган сув ҳисоблагичларини янгисига алмаштириш "Ўзсувтаъминот" АЖ ва ҳудудий сув таъминоти корхоналарининг маблағлари ҳисобидан амалга оширилади.
Мамлакатга техник талабларга жавоб бермайдиган сув ҳисоблагичларини ва уларнинг қўшимча воситаларини олиб кириш ҳамда ўрнатиш тақиқланади.
