Ўзгидромет хабарига кўра, 27-28 майда республика ҳудуди бўйича, 29 майда тоғ олди ва тоғли ҳудудларда вақти-вақти билан ёмғир ёғади, момақалдироқ бўлиши мумкин.
Тошкент, Самарқанд, Жиззах, Қашқадарё, Сурхондарё вилоятлари ва Фарғона водийси вилоятларининг тоғ олди ва тоғли ҳудудларида 27-28 май кунлари баъзи жойларда кучли ёмғир ёғиши мумкин.
Қайд этилишича, 26 майда Қорақалпоғистонда, Хоразм, Бухоро, Навоий, Қашқадарё вилоятларида, чўл ҳудудларида ва жанубида, 27-29 майда республика бўйича баъзи жойларда шамол 18-23 м/с. гача кучайиши, айрим жойларда чанг тўзонлари кузатилиши кутилмоқда.
27 майда Ўзбекистоннинг шимолида ва чўл ҳудудларида, 28 майда ҳудудларнинг катта қисмида кундузги ҳаво ҳарорати +21...+26 даражагача пасаяди.